భూటాన్ రాజధాని ధింపూలో అసోసియేషన్ ఆఫ్ బుద్ధిష్ట్ టూర్ ఆపరేటర్స్ కార్యాలయాన్ని ఆ సంస్థ ఉపాధ్యక్షుడు మల్లేపల్లి లక్ష్మయ్య ప్రారంభించినట్టు ఏబీటీవో ప్రధాన కార్యదర్శి డాక్టర్ కౌలేష్ కుమార్ తెలిపారు.
ఆసియా హైవే అందుబాటులోకి రానున్న నేపథ్యంలో బంగ్లాదేశ్, భూటాన్, ఇండియా, నేపాల్, మయన్మార్ దేశాల్లో బౌద్ధ పర్యాటక స్థావరాలను అధిక సంఖ్యలో సందర్శించేలా వ్యూహాలను సిద్ధం చేసి ప్రభుత్వాల మధ్య సమన్వయాన్ని పెంపొందించడానికి తమ సంస్థ కృషి చేస్తుందని మల్లేపల్లి లక్ష్మయ్య అన్నారు.
ధింపూ నగరంలోని బబేసా ఎక్స్ప్రెస్ హైవే లోని ఐ- డిజైర్ సంస్థ ప్రాంగణంలో ప్రారంభించిన ఏబీటీవో కార్యాలయం భూటాన్ మరియు పొరుగు దేశాల మధ్య బౌద్ధ పర్యాటకం పుంజుకునేలా కృషి చేస్తుందని మల్లేపల్లి లక్ష్మయ్య అన్నారు.
సీనియర్ సంపాదకులు కే. రామచంద్రమూర్తి, ఎగ్జాటిక్ ఈవెంట్ అధినేత కేకే రాజా, బుద్ధవనం కన్సల్టెంట్ డా. ఈమని శివనాగిరెడ్డి, ఇంకా భూటాన్ పర్యాటక సమాఖ్య ప్రతినిధులు పాల్గొన్న ఈ కార్యక్రమంలో ఐ- డిజైర్ అధినేత, పరశురాం బిస్వా, మల్లేపల్లి లక్ష్మయ్యను సత్కరించి శుభాకాంక్షలు తెలిపారు.
